Kynferðisbrotamáli vísað frá

Kynferðisbrotamáli sem vísað hafði verið frá fyrir héraðsdómi í sumar var aftur vísað frá þegar málið fór fyrir Hæstarétt í gær. Var þar ungur maður ákærður fyrir að hafa fjórum sinnum haft samræði við þrettán ára stúlku þegar hann var fimmtán ára. Ástæða frávísunar var málatilbúnaður ákæruvaldsins og eru dregin upp í málskjölum allnokkur dæmi um slaka rannsóknarvinnu lögreglu og saksóknara. Sem dæmi var ekki leitað álits þeirra sérfræðinga sem venja þykir að kalla til í kynferðisbrotamálum og framburður bæði ákærða og meints fórnarlambs ekki kannaður í þaula.