Grunaðir um fíkniefnasölu

Tveir menn voru handteknir eftir að lögreglan í Kópavogi fann sextíu grömm af amfetamíni í bíl þeirra í fyrrinótt. Vegna þess hversu mikið magn mennirnir voru með leikur grunur á að þeir hafi ætlað sér að selja efnið. Mennirnir voru fluttir í fangaklefa þar sem þeir voru yfirheyrðir og þeim haldið fram á morgun. Farið var í húsleitir meðan mennirnir voru í vörslu lögreglu en þeim sleppt að húsleitunum loknum. Handtaka mannanna tveggja var fjórða fíkniefnamálið í Kópavogi um helgina. Sextán grömm af amfetamíni voru haldlögð í þremur fyrri málunum.