ÍBV og Haukar sigruðu

ÍBV og Haukar sigruðu í leikjum sínum í undanúrslitum í handbolta kvenna í kvöld. ÍBV sigraði Stjörnuna í Eyjum með eins marks mun, 20-19, á meðan Haukar burstuðu Val með fjórtán marka mun, 33-19. Leikur ÍBV og Stjörnunnar var jafn og spennandi. Alla Gorkorian var markahæst í liði ÍBV með 6 mörk en hjá Stjörnunni var það Anna Blöndal sem skorað mest, 5 mörk. Leikur Hauka og Vals var aldrei spennandi þar sem yfirburðir Hauka voru algjörir. Hanna Stefánsdóttir gerði 11 mörk fyrir Hauka en Ágústa Edda Björnsdóttir 7 fyrir Val.