Snorri og Einar með sex mörk hvor

Íslensku landsliðsmennirnir í handknattleik létu til sín taka í þýska handboltanum í gærkvöldi. Snorri Steinn Guðjónsson og Einar Hólmgeirsson skoruðu sex mörk hvor þegar Grosswallstadt sigraði Nordhorn 28-25. Alexander Pettersons skoraði sjö mörk og Markús Máni Mikaelsson eitt í jafntefli Düsseldorf við Post Schwerin 29-29. Guðjón Valur Sigurðsson skoraði sex mörk þegar Essen vann Wilhelmshavener 30-24. Jaleski Garcia skoraði fimm mörk fyrir Göppingen sem vann Hamborg 31-26. Róbert Sighvatsson skoraði eitt mark þegar Wetzlar tapaði fyrir Hamborg 21-29. Magdeburg tapaði fyrir Kiel 35-39 og Lubecke vann Minden 32-27.