Nýjustu Nokia-símarnir kynntir

Farsímarisinn Nokia kynnti í dag nýjustu gerðir gemsa. Flestir eru þeir orðnir meira en bara símar og sömu sögu er að segja af tólunum sem kynnt voru í dag. Einn síminn er eiginlega myndbandsupptökuvél, með hágæðalinsu frá þýska framleiðandanum Zeiss, og getur tekið upp myndskeið í sömu gæðum og VHS-myndavél. Annar síminn getur geymt 3000 lög á mp3-formi og sá þriðji, sem líka er með myndavél, getur tengst prentara beint. Hvað leikföngin kosta er hins vegar ekki ljóst.