Partý, stuð og sviti í ræktinni 6. júlí 2005 00:01 Body Jam er skemmtilegt æfingakerfi úr Les Mills æfingakerfinu. Um er að ræða hressilega danstíma þar sem skemmtunin skiptir í raun meira máli en hreyfingin en allir ná þó að svitna rækilega. Tíminn byggir á fjölbreytilegum danssporum sem eru stigin við tónlist úr öllum áttum. Hipp hopp, salsa, fönk og djass svo fátt eitt sé nefnt. Í vor var haldið námskeið hér á landi á vegum Les Mills og þangað mættu kennarar frá ýmsum líkamsrækarstöðvum. Aðalbjörg Hafsteinsdóttir hjá líkamsræktarstöðinni Bjargi á Akureyri var ein þeirra og hún var fyrst til að byrja að kenna Body Jam á Íslandi "Við byrjuðum að kenna þetta í maí og svo fylgdi Hress í Hafnarfirði í kjölfarið," segir Aðalbjörg. Sem stendur eru þetta einu líkamsræktarstöðvarnar sem bjóða upp á Body Jam tíma en Aðalbjörg býst fastlega við því að fleiri bætist í hópinn. "Þetta er bara partý, stuð og sviti og ég held að það hafi einmitt vantað eitthvað slíkt." Aðalbjörg segir að sporin séu ekki sérlega flókin og menn séu fljótir að komast inn í þetta. "Hvert lag hefur sína rútínu og í byrjun lagsins er byrjað á auðveldum sporum. Þau verða flóknari eftir því sem líður á lagið en ef maður treystir sér ekki til að gera þau getur maður bara haldið áfram í grunnsporinu." Meðan verið er að kynna Body Jam á Bjargi er boðið upp á fría tíma. Aðalbjörg segir að fólk hafi verið duglegt við að nýta sér það. "Sú elsta var 77 ára. Svo hafa strákarnir líka verið duglegir við að mæta og enginn þeirra hefur gefist upp," segir Aðalbjörg. Linda Hilmarsdóttir, framkvæmdarstjóri líkamsrækarstöðvarinnar Hress í Hafnarfirði, tekur í sama streng. "Body Jam er gjörsamlega búið að slá í gegn hjá okkur. Við héldum kynningartíma í Björkinni og þangað mættu 110 manns. Það kom verulega á óvart enda er sumarið ekki beinlínis líflegasti tíminn í líkamsræktarstöðvunum. Þessir tímar eru ofboðslega vinsælir, það er alltaf fullt og fólk þarf að skrá sig til að fá að vera með," segir Linda en Body Jam er á stundatöflunni í Hress þrjá daga í viku. Linda segir að alls konar fólk mæti í tímana. Í byrjun hafi fastagestir stöðvarinnar fjölmennt en nú sé nýtt fólk komið inn. Til dæmis gamlir dansarar. "Þetta er alveg nýtt og dálítið ólíkt öðrum tímum. Þarna eru engir pallar og engin tæki heldur bara þú á gólfinu og frábær tónlist. Það má eiginlega líta á þetta þannig að kennarinn sé að bjóða til sín í partý," segir Linda og bætir því við að partýið endi á algjörri endorfínvímu. Heilsa Mest lesið Sjóðheitar og einhleypar inn í haustið Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Var talin vera hommi og lögð í einelti Lífið Janet Jackson biðst afsökunar á undarlegum ummælum Lífið Ísland með auga fuglsins Lífið Borðar það sem alltaf hefur verið til og léttist og léttist Lífið Ein lausn er að liggja hlið við hlið og fróa sér Lífið Aldrei litið betur út þrátt fyrir alvarlegt slys Lífið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið „Það er alveg hægt að vinna rifrildið, en þá tapar sambandið“ Makamál Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Body Jam er skemmtilegt æfingakerfi úr Les Mills æfingakerfinu. Um er að ræða hressilega danstíma þar sem skemmtunin skiptir í raun meira máli en hreyfingin en allir ná þó að svitna rækilega. Tíminn byggir á fjölbreytilegum danssporum sem eru stigin við tónlist úr öllum áttum. Hipp hopp, salsa, fönk og djass svo fátt eitt sé nefnt. Í vor var haldið námskeið hér á landi á vegum Les Mills og þangað mættu kennarar frá ýmsum líkamsrækarstöðvum. Aðalbjörg Hafsteinsdóttir hjá líkamsræktarstöðinni Bjargi á Akureyri var ein þeirra og hún var fyrst til að byrja að kenna Body Jam á Íslandi "Við byrjuðum að kenna þetta í maí og svo fylgdi Hress í Hafnarfirði í kjölfarið," segir Aðalbjörg. Sem stendur eru þetta einu líkamsræktarstöðvarnar sem bjóða upp á Body Jam tíma en Aðalbjörg býst fastlega við því að fleiri bætist í hópinn. "Þetta er bara partý, stuð og sviti og ég held að það hafi einmitt vantað eitthvað slíkt." Aðalbjörg segir að sporin séu ekki sérlega flókin og menn séu fljótir að komast inn í þetta. "Hvert lag hefur sína rútínu og í byrjun lagsins er byrjað á auðveldum sporum. Þau verða flóknari eftir því sem líður á lagið en ef maður treystir sér ekki til að gera þau getur maður bara haldið áfram í grunnsporinu." Meðan verið er að kynna Body Jam á Bjargi er boðið upp á fría tíma. Aðalbjörg segir að fólk hafi verið duglegt við að nýta sér það. "Sú elsta var 77 ára. Svo hafa strákarnir líka verið duglegir við að mæta og enginn þeirra hefur gefist upp," segir Aðalbjörg. Linda Hilmarsdóttir, framkvæmdarstjóri líkamsrækarstöðvarinnar Hress í Hafnarfirði, tekur í sama streng. "Body Jam er gjörsamlega búið að slá í gegn hjá okkur. Við héldum kynningartíma í Björkinni og þangað mættu 110 manns. Það kom verulega á óvart enda er sumarið ekki beinlínis líflegasti tíminn í líkamsræktarstöðvunum. Þessir tímar eru ofboðslega vinsælir, það er alltaf fullt og fólk þarf að skrá sig til að fá að vera með," segir Linda en Body Jam er á stundatöflunni í Hress þrjá daga í viku. Linda segir að alls konar fólk mæti í tímana. Í byrjun hafi fastagestir stöðvarinnar fjölmennt en nú sé nýtt fólk komið inn. Til dæmis gamlir dansarar. "Þetta er alveg nýtt og dálítið ólíkt öðrum tímum. Þarna eru engir pallar og engin tæki heldur bara þú á gólfinu og frábær tónlist. Það má eiginlega líta á þetta þannig að kennarinn sé að bjóða til sín í partý," segir Linda og bætir því við að partýið endi á algjörri endorfínvímu.
Heilsa Mest lesið Sjóðheitar og einhleypar inn í haustið Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Var talin vera hommi og lögð í einelti Lífið Janet Jackson biðst afsökunar á undarlegum ummælum Lífið Ísland með auga fuglsins Lífið Borðar það sem alltaf hefur verið til og léttist og léttist Lífið Ein lausn er að liggja hlið við hlið og fróa sér Lífið Aldrei litið betur út þrátt fyrir alvarlegt slys Lífið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið „Það er alveg hægt að vinna rifrildið, en þá tapar sambandið“ Makamál Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira