Hrakningar sígaunanna halda áfram

Ekkert lát er á hrakningum sígaunahópsins sem kom hingað til lands í síðustu viku og óskaði eftir pólitísku hæli. Eins og fram er komið var þeim vísað strax aftur úr landi með skipinu. Við komuna til Þórshafnar gætti lögreglan þess að enginn þeirra kæmist í land í Færeyjum en á næsta viðkomustað, á Hjaltlandseyjum, reyndu þeir að strjúka í land en voru gripnir. Þegar skipið kom svo til Hanstholm í Danmörku tók lögreglan allan hópinn í sína vörslu og er hann þar enn, að því er fram kemur í Politiken.