Haukar til Lúxemborg

Í morgun var dregið í 1. umferð á Evrópumótum félagsliða í handknattleik. Íslandsmeistarar Hauka í handknattleik karla drógust gegn Berchem í Lúxemborg í forkeppni meistaradeildar Evrópu. Valur dróst gegn Tbilisi í Georgíu í 1. umferð í Evrópukeppni félagsliða. Íslandsmeistarar Hauka í handknattleik kvenna drógust gegn Pelplast Salerno á Ítalíu í 1. umferð í Evrópukeppni félagsliða og Stjarnan gegn Anadolou í Tyrklandi í 2. umferð í  Evrópukeppni bikarhafa kvenna. Fyrri leikir 1. umferðar verða 3.-4. sept. og síðari leikirnir 10.-11. sept., en leikir 2. umferðar í byrjun október.