Methalli á vöruskiptum landsmanna

Methalli var á vöruskiptum landsmanna í júní og nam hallinn 10,2 milljörðum. Á fyrstu sex mánuðum ársins nam halli á vöruskiptum landsmanna 34,3 milljörðum samanborið við halla upp á 13,2 milljarða á sama tíma í fyrra og því hefur verið neikvæður viðsnúningur í vöruskiptum landsmanna sem nemur 20,1 milljarði. Ástæður vöruskiptahalla liggja í miklum innflutningi en innflutningur jókst 25,8% á fyrstu sex mánuðum ársins samanborið við sama tíma í fyrra. Rætur mikils vaxtar innflutnings liggur fyrst og fremst í miklum innflutningi ökutækja, eldsneytis og fjárfestingarvara.