Strákar játuðu innbrotafaraldur

Fjórir drengir á aldrinum 18 til 16 ára játuðu allir fjölda innbrota og þjófnaða á höfðuborgarsvæðinu og víðar sem framdir voru á þessu og síðasta ári. Sá fimmti, 18 ára gamall, sem ákærður er fyrir aðild að málum mætti ekki við þingfestingu málsins í Héraðsdómi Reykjavíkur í gær. Einn úr hópnum, 16 ára gamall, hefur setið í síbrotagæslu síðan í lok síðasta mánaðar. Honum eru einnig gefin að sök hylmingarbrot fyrir að hafa keypt stolinn varning, bílatúvarpstæki, fartölvu og stafrænar myndavélar, af þremur öðrum og greitt fyrir með hassi. Fyrir fjögur bíltæki greiddi hann 10 grömm af hassi og fyrir fartölvuna sem metin er á yfir 200 þúsund krónur og myndavélarnar, tæp 24 grömm af hassi. Þá koma einnig við sögu í málunum yngri drengir sem sökum aldurs sæta ekki ákæru. Nokkrir ákæruliðanna, sem eru yfir 20 talsins, snúa að fjársvikum, umferðarlagabrotum og vörslu fíkniefna, bæði amfetamíns og kannabisefna. Þá gera í málinu 10 aðilar kröfu um skaðabætur upp á samtals rúmlega 4,1 milljón króna. Einn úr hópnum, 16 ára gamall, hefur setið í síbrotagæslu síðan í lok síðasta mánaðar. Honum eru einnig gefin að sök hylmingarbrot fyrir að hafa keypt stolinn varning, bílatúvarpstæki, fartölvu og stafrænar myndavélar, af þremur öðrum og greitt fyrir með hassi. Fyrir fjögur bíltæki greiddi hann 10 grömm af hassi og fyrir fartölvuna sem metin er á yfir 200 þúsund krónur og myndavélarnar, tæp 24 grömm af hassi. Þá koma einnig við sögu í málunum yngri drengir sem sökum aldurs sæta ekki ákæru. Nokkrir ákæruliðanna, sem eru yfir 20 talsins, snúa að fjársvikum, umferðarlagabrotum og vörslu fíkniefna, bæði amfetamíns og kannabisefna. Þá gera í málinu 10 aðilar kröfu um skaðabætur upp á samtals rúmlega 4,1 milljón króna.