Beina leið í ræktina 30. ágúst 2005 00:01 Haustið er tími breytinga er undirtitillinn á fylgiblaði Fréttablaðsins í gær þar sem áhersla er lögð á líkamsrækt og margvísleg önnur námskeið. Undirtónninn er að þá hugi fólk að rækt líkama og sálar eftir að hafa látið það sitja á hakanum yfir sumarmánuðina. Þetta má líka sjá af tilboðum líkamsræktarstöðvanna sem auglýsa grimmt þessa dagana, hvort sem þær bjóða líkamsræktarkort sem veita aðgang að tækjasal eða margvísleg námskeið og aðhaldshópa, leggja þær mikla áherslu á að fá sem flesta til sín. Slær megrun út hvenær sem er Nú væri auðvelt að gera grín að þeim, sem eru nokkuð margir hverju sinni, sem kaupa sér líkamsræktarkort og keyra síðan langar leiðir á líkamsræktarstöð til þess eins að hlaupa á hlaupabrettum. Staðreyndin er þó sú að í nútímaþjóðfélagi mikillar neyslu og lítillar hreyfingar getur markviss líkamsrækt gert kraftaverk. Þó að mörgum þyki það ef til vill ótrúlegt er sennilega mun auðveldara að stunda líkamsrækt en að fara í megrun, fyrir utan að markviss líkamsrækt skilar mun betri árangri en nokkur megrunarkúr. Munurinn á þessu tvennu er tvíþættur. Annars vegar eykur fólk brennslu allan sólarhringinn með því að byggja upp vöðva (sem gerir fólki meðal annars kleift að ná af sér aukakílóum þrátt fyrir að borða sama matarskammt og áður), megrunin gengur oft einfaldlega út á að svelta sig (oftast tímabundið) eða byggir á flóknum töflum yfir hvað megi borða og hvenær. Að auki er líkamsrækt líklegri til að fylgja fólki í gegnum lífið en megrun. Það er mun auðveldara að æfa nokkrum sinnum í viku en að neita sér um fæðu öllum stundum. Gleymið því hugmyndinni um megrun og stundið frekar líkamsrækt. Þið getið reyndar farið milliveginn, stundað líkamsrækt og hliðrað mataræðinu aðeins til þannig að prótín og trefjar verði stærri hluti af fæðunni. Þá þurfið þið hvorki að mæla hitaeiningar né beita öðrum þeim brögðum sem fylgja ýmsum megrunarkúrum. Þekkingin skiptir sköpum Undirritaður hefur líkt og svo margir aðrir keypt sér kort í líkamsrækt með það fyrir augum að koma sér í form, losna við aukakíló og bæta úthald, reyndar tvisvar. Í bæði skiptin mistókst það og má sennilega kenna tvennu um, annars vegar að viljinn hafi ekki verið nógu mikill og hins vegar, sem hefur mikið að segja, að þekkingin á því hvernig væri best að þjálfa var lítil sem engin. Enda fór það svo í bæði skiptin að kortið entist lengur en líkamsræktin. Því er aðeins hægt að ráðleggja fólki að kynna sér kosti og galla hinna ýmsu líkamsræktarmöguleika áður en það leggur til atlögu. Viti fólk hvað það er að gera nær það frekar árangri en hamist það villt og galið án þess að vita hvað er líklegt til árangurs. Ein leið til að læra réttu handtökin er að fara á námskeið sem líkamsræktarstöðvar bjóða upp á eða ráða sér einkaþjálfara. Þar lærir fólk margt það sem auðveldar því að ná árangri. Önnur leið er að lesa sér til og þar er úr miklu magni bóka, tímarita og blaðagreina að velja. Höfundur bókarinnar "The Lean Body Promise: Burn Away Fat and Release the Leaner, Stronger Body Inside You" lofar gríðarlegum árangri á aðeins tólf vikum. Aðrir höfundar ganga jafnvel lengra eins og titillinn "The Abs Diet: The Six-Week Plan to Flatten Your Stomach and Keep You Lean for Life" gefur til kynna. Þrátt fyrir að loforðið virðist of gott til að vera satt, sem það sennilega er, er bókin stútfull af upplýsingum sem hjálpa fólki að komast í betra form, að því gefnu auðvitað að fólk sé reiðubúið að leggja á sig nokkra vinnu. Þarna er sýnt hvernig æfingar megi stunda, ráðleggingar um mataræði og leiðir til að halda sér við efnið. Hvora leiðina sem fólk fer er næsta öruggt að þeir sem vita hvað þeir eru að gera ná betri árangri en fólk sem erfiðar ómarkvisst og er því líklegra en ella til að koma sér í form til frambúðar. Að lokum er það svo besta leyndarmálið í líkamsrækt: Sundhöllin í Reykjavík. Þar er gott að hita upp með sundi, taka stuttar magaæfingar og lyfta síðan með handlóðunum sem líta dálítið út eins og leifar úr líkamsræktarstöð sem var gjaldþrota fyrir mörgum árum en skila miklum og góðum árangri. Fleiri sundlaugar bjóða upp á lóð og lyftingatæki og geta því reynst griðastaður fyrir þá sem treysta sér ekki eða vilja ekki fara á líkamsræktarstöðvar. Brynjólfur Þór Guðmundsson - brynjolfur@frettabladid.is Viltu birta grein á Vísi? Sendu okkur póst. Senda grein Brynjólfur Þór Guðmundsson Í brennidepli Mest lesið Kyn og vægi líkamans Gunnar Snorri Árnason Skoðun Bakslag í skoðanafrelsi? Kári Allansson Skoðun Lokun Leo Seafood - Afleiðing tvöföldunar veiðigjalda Sigurgeir B. Kristgeirsson Skoðun Við getum öll stutt við lesskilning barna - Gleðilegan dag læsis Auður Soffía Björgvinsdóttir Skoðun Að gjamma á stóra grábjörninn getur haft afleiðingar! Davíð Bergmann Skoðun Vægið eftir sem áður dropi í hafið Hjörtur J Guðmundsson Skoðun Við erum ekki valdalausar. Við erum óbrjótandi Noorina Khalikyar Skoðun Allir geta hjálpað einhverjum Árni Sigurðsson Skoðun Getur þjóð orðið of rík? – Ádeila frá Noregi sem getur átt við um Ísland Júlíus Valsson Skoðun Halldór 06.09.2025 Halldór Skoðun Skoðun Að gjamma á stóra grábjörninn getur haft afleiðingar! Davíð Bergmann skrifar Skoðun Lokun Leo Seafood - Afleiðing tvöföldunar veiðigjalda Sigurgeir B. Kristgeirsson skrifar Skoðun Við getum öll stutt við lesskilning barna - Gleðilegan dag læsis Auður Soffía Björgvinsdóttir skrifar Skoðun Allir geta hjálpað einhverjum Árni Sigurðsson skrifar Skoðun Við erum ekki valdalausar. Við erum óbrjótandi Noorina Khalikyar skrifar Skoðun Vægið eftir sem áður dropi í hafið Hjörtur J Guðmundsson skrifar Skoðun Getur þjóð orðið of rík? – Ádeila frá Noregi sem getur átt við um Ísland Júlíus Valsson skrifar Skoðun Fólk í sárum veldur tárum Árni Sigurðsson skrifar Skoðun Sveitarstjórn Grímsnes- og Grafningshrepps reynir að skrá fólk út úr samfélaginu Guðrún M. Njálsdóttir,Ragna Ívarsdóttir,Þröstur Sverrisson skrifar Skoðun Akademískt frelsi og grátur í draumum Viðar Hreinsson skrifar Skoðun Skóli án aðgreiningar - tékklisti fyrir stjórnvöld til að gera betur Unnur Helga Óttarsdóttir,Anna Lára Steindal skrifar Skoðun Fjöldi kynja – treystir þú þér í samtalið með velferð barna að leiðarljósi? Böðvar Ingi Guðbjartsson skrifar Skoðun Ókeypis minnisblað fyrir Alþingi: Jafnrétti er ekki skoðun- en umræðan er það Sigríður Ásta Hauksdóttir skrifar Skoðun Segðu skilið við sektarkenndina Finnur Th. Eiríksson skrifar Skoðun Að útrýma menningu og þjóð Dagrún Ósk Jónsdóttir,Esther Ösp Valdimarsdóttir,Snædís Sunna Thorlacius skrifar Skoðun Lög um vinnu og virknimiðstöðvar Atli Már Haraldsson skrifar Skoðun Áfram Breiðholt og Kjalarnes! Skúli Helgason skrifar Skoðun Austurland situr eftir þrátt fyrir fjórðung vöruútflutningstekna Berglind Harpa Svavarsdóttir skrifar Skoðun Vesturlönd mega ekki leyfa Pútín að skrifa leikreglurnar Daði Freyr Ólafsson skrifar Skoðun Umfjöllun Kastljóss Þorgrímur Sigmundsson skrifar Skoðun Gulur september María Heimisdóttir skrifar Skoðun Kyn og vægi líkamans Gunnar Snorri Árnason skrifar Skoðun Sakborningur hjá saksóknara Páll Steingrímsson skrifar Skoðun Reiði á tímum allsnægta Jökull Gíslason skrifar Skoðun 60.000 auðir fermetrar Dagur B. Eggertsson skrifar Skoðun Kristinn átrúnaður á tímum þjóðarmorðs Bjarni Karlsson skrifar Skoðun Tölur segja ekki alla söguna Bryngeir Valdimarsson skrifar Skoðun Skólinn er ekki verksmiðja Kristinn Jón Ólafsson,Halldóra Mogensen skrifar Skoðun Enn úr sömu sveitinni Trausti Hjálmarsson skrifar Skoðun Palestínsk börn eiga betra skilið Anna Lúðvíksdóttir,Tótla I. Sæmundsdóttir skrifar Sjá meira
Haustið er tími breytinga er undirtitillinn á fylgiblaði Fréttablaðsins í gær þar sem áhersla er lögð á líkamsrækt og margvísleg önnur námskeið. Undirtónninn er að þá hugi fólk að rækt líkama og sálar eftir að hafa látið það sitja á hakanum yfir sumarmánuðina. Þetta má líka sjá af tilboðum líkamsræktarstöðvanna sem auglýsa grimmt þessa dagana, hvort sem þær bjóða líkamsræktarkort sem veita aðgang að tækjasal eða margvísleg námskeið og aðhaldshópa, leggja þær mikla áherslu á að fá sem flesta til sín. Slær megrun út hvenær sem er Nú væri auðvelt að gera grín að þeim, sem eru nokkuð margir hverju sinni, sem kaupa sér líkamsræktarkort og keyra síðan langar leiðir á líkamsræktarstöð til þess eins að hlaupa á hlaupabrettum. Staðreyndin er þó sú að í nútímaþjóðfélagi mikillar neyslu og lítillar hreyfingar getur markviss líkamsrækt gert kraftaverk. Þó að mörgum þyki það ef til vill ótrúlegt er sennilega mun auðveldara að stunda líkamsrækt en að fara í megrun, fyrir utan að markviss líkamsrækt skilar mun betri árangri en nokkur megrunarkúr. Munurinn á þessu tvennu er tvíþættur. Annars vegar eykur fólk brennslu allan sólarhringinn með því að byggja upp vöðva (sem gerir fólki meðal annars kleift að ná af sér aukakílóum þrátt fyrir að borða sama matarskammt og áður), megrunin gengur oft einfaldlega út á að svelta sig (oftast tímabundið) eða byggir á flóknum töflum yfir hvað megi borða og hvenær. Að auki er líkamsrækt líklegri til að fylgja fólki í gegnum lífið en megrun. Það er mun auðveldara að æfa nokkrum sinnum í viku en að neita sér um fæðu öllum stundum. Gleymið því hugmyndinni um megrun og stundið frekar líkamsrækt. Þið getið reyndar farið milliveginn, stundað líkamsrækt og hliðrað mataræðinu aðeins til þannig að prótín og trefjar verði stærri hluti af fæðunni. Þá þurfið þið hvorki að mæla hitaeiningar né beita öðrum þeim brögðum sem fylgja ýmsum megrunarkúrum. Þekkingin skiptir sköpum Undirritaður hefur líkt og svo margir aðrir keypt sér kort í líkamsrækt með það fyrir augum að koma sér í form, losna við aukakíló og bæta úthald, reyndar tvisvar. Í bæði skiptin mistókst það og má sennilega kenna tvennu um, annars vegar að viljinn hafi ekki verið nógu mikill og hins vegar, sem hefur mikið að segja, að þekkingin á því hvernig væri best að þjálfa var lítil sem engin. Enda fór það svo í bæði skiptin að kortið entist lengur en líkamsræktin. Því er aðeins hægt að ráðleggja fólki að kynna sér kosti og galla hinna ýmsu líkamsræktarmöguleika áður en það leggur til atlögu. Viti fólk hvað það er að gera nær það frekar árangri en hamist það villt og galið án þess að vita hvað er líklegt til árangurs. Ein leið til að læra réttu handtökin er að fara á námskeið sem líkamsræktarstöðvar bjóða upp á eða ráða sér einkaþjálfara. Þar lærir fólk margt það sem auðveldar því að ná árangri. Önnur leið er að lesa sér til og þar er úr miklu magni bóka, tímarita og blaðagreina að velja. Höfundur bókarinnar "The Lean Body Promise: Burn Away Fat and Release the Leaner, Stronger Body Inside You" lofar gríðarlegum árangri á aðeins tólf vikum. Aðrir höfundar ganga jafnvel lengra eins og titillinn "The Abs Diet: The Six-Week Plan to Flatten Your Stomach and Keep You Lean for Life" gefur til kynna. Þrátt fyrir að loforðið virðist of gott til að vera satt, sem það sennilega er, er bókin stútfull af upplýsingum sem hjálpa fólki að komast í betra form, að því gefnu auðvitað að fólk sé reiðubúið að leggja á sig nokkra vinnu. Þarna er sýnt hvernig æfingar megi stunda, ráðleggingar um mataræði og leiðir til að halda sér við efnið. Hvora leiðina sem fólk fer er næsta öruggt að þeir sem vita hvað þeir eru að gera ná betri árangri en fólk sem erfiðar ómarkvisst og er því líklegra en ella til að koma sér í form til frambúðar. Að lokum er það svo besta leyndarmálið í líkamsrækt: Sundhöllin í Reykjavík. Þar er gott að hita upp með sundi, taka stuttar magaæfingar og lyfta síðan með handlóðunum sem líta dálítið út eins og leifar úr líkamsræktarstöð sem var gjaldþrota fyrir mörgum árum en skila miklum og góðum árangri. Fleiri sundlaugar bjóða upp á lóð og lyftingatæki og geta því reynst griðastaður fyrir þá sem treysta sér ekki eða vilja ekki fara á líkamsræktarstöðvar. Brynjólfur Þór Guðmundsson - brynjolfur@frettabladid.is
Við getum öll stutt við lesskilning barna - Gleðilegan dag læsis Auður Soffía Björgvinsdóttir Skoðun
Skoðun Við getum öll stutt við lesskilning barna - Gleðilegan dag læsis Auður Soffía Björgvinsdóttir skrifar
Skoðun Getur þjóð orðið of rík? – Ádeila frá Noregi sem getur átt við um Ísland Júlíus Valsson skrifar
Skoðun Sveitarstjórn Grímsnes- og Grafningshrepps reynir að skrá fólk út úr samfélaginu Guðrún M. Njálsdóttir,Ragna Ívarsdóttir,Þröstur Sverrisson skrifar
Skoðun Skóli án aðgreiningar - tékklisti fyrir stjórnvöld til að gera betur Unnur Helga Óttarsdóttir,Anna Lára Steindal skrifar
Skoðun Fjöldi kynja – treystir þú þér í samtalið með velferð barna að leiðarljósi? Böðvar Ingi Guðbjartsson skrifar
Skoðun Ókeypis minnisblað fyrir Alþingi: Jafnrétti er ekki skoðun- en umræðan er það Sigríður Ásta Hauksdóttir skrifar
Skoðun Að útrýma menningu og þjóð Dagrún Ósk Jónsdóttir,Esther Ösp Valdimarsdóttir,Snædís Sunna Thorlacius skrifar
Skoðun Austurland situr eftir þrátt fyrir fjórðung vöruútflutningstekna Berglind Harpa Svavarsdóttir skrifar
Við getum öll stutt við lesskilning barna - Gleðilegan dag læsis Auður Soffía Björgvinsdóttir Skoðun