Beltin björguðu vörubílstjóra

Bílbelti björguðu ökumanni vörubifreiðar frá meiðslum þegar vegkantur gaf sig undan bílnum þar sem hann var á ferð í Melasveit um klukkan tvö í gærdag. Að sögn lögreglu í Borgarnesi var þetta bíll með festivagn fulllestaður á leið úr malarnámu í sveitinni. Bíllinn skemmdist nokkuð en síðdegis var verið að skera vagninn frá bílnum og vinnuvélar á leið á staðinn til að moka upp mölinni. Lögregla segir mjúkt undirlag hafa bjargað miklu um að ekki fór verr, en nokkur hnykkur kom þó á bílstjórann og ætlaði hann til öryggis að líta til læknis.