Ósakhæfur áfrýjar

Tekin hefur verið ákvörðun um að áfrýja til Hæstaréttar nýföllnum dómi þar sem maður var fundinn ósakhæfur og sendur á Sogn, eftir að hafa ráðist á prófessor í réttarlæknisfræði í vor. Að sögn Sveins Andra Sveinssonar, lögfræðings mannsins, verður erindi um þetta komið til ríkissaksóknara á næstu dögum. Hann býst við dómi Hæstaréttar í málinu einhvern tímann eftir áramót. Geðlæknar sem vitni báru í héraðsdómi töldu manninn hættulegan öðrum sökum veruleikabrenglunar, en hann taldi prófessorinn eiga þátt í samsæri um að falsa niðurstöður faðernisprófs.