114 látnir eftir sjálfsmorðsárás

Minnst 114 manns létust og156 eru særðir eftir sjálfsmorðsárás í hverfi sjíta í Bagdad, höfuðborg Íraks, í morgun. Þetta er næst mannskæðasta sjálfsmorðsárás í landinu frá stríðslokum. Fyrr í nótt drápu uppreisnarmenn, dulbúnir sem hermenn, 17 manns í grennd við Bagdad. Þeir fóru hús úr húsi og smöluðu fólkinu saman á torgi þar sem þeir skutu það. Þá fórust fimm manns í sprengingu og tuttugu og tveir særðust og þrír írakskir hermenn fórust í bílsprengju í Bagdad í nótt. Tala fallinna eftir nóttina er því að nálgast 140.