Og Vodafone óskar eftir rannsókn

Og Vodafone hefur óskað eftir því að Póst- og fjarskiptastofnun rannsaki alvarlegar ásakanir sem bornar hafa verið á fyrirtækið þess efnis að fyrirtækið hafi lekið tölvupósti viðskiptavina sinna. Fyrirtækið telur það með öllu óviðunandi fyrir fyrirtækið, starfsfólk og viðskiptavini að slíkar ásakanir séu bornar fram án rökstuðnings. Þar sem leki á tölvupósti viðskiptavina væri brot á fjarskiptalögum þá hefur Og Vodafone sent beiðni til Póst- og fjarskiptastofnunar þar sem óskað er eftir rannsókn stofnunarinnar. Þetta sé gert il að hægt sé að eyða allri óvissu um trúverðugleika fyrirtækisins.