Mourhinho heimtar virðingu

Jose Mourinho segir að það sé kominn tími til að fólk fari að virða lið Chelsea, eftir að það tók Liverpool í kennslustund á Anfield í gær, en bendir á að nóg sé eftir af tímabilinu á Englandi þó Chelsea gangi vel í byrjun. "Það er kominn tími til að fólk fari að sýna Chelsea virðingu. Við erum með gott lið og þeir sem segja að við getum ekki spilað góðan fótbolta eru bara trúðar. Við höfum unnið alla leiki okkar í deildinni og þó við séum langt frá því að vinna titilinn, held ég að þetta sé eins góð byrjun og hægt sé að fara fram á, " sagði Mourinho. "Við erum kannski ekki besta lið í heimi, en við erum með góða vörn, góða sókn, skapandi og góða einstaklinga og mikinn metnað. Þetta er allt sem einkennir gott knattspyrnulið," sagði Mourniho.