Butt fær lengra bann

Miðjumaðurinn Nicky Butt hjá Birmingham hefur fengið leikbann sitt framlengt um einn leik fyrir að bölva dómara í leik gegn Portsmouth þann 17 september sl. Butt mun því missa af grannaslag Birmingham og Aston Villa þann 16 október, en lið Birmingham má illa við því. Mikil meiðsli eru í herbúðum Birmingham, en þar að auki hefur leikmanni liðsins verið vikið af leikvelli þrjá leiki í röð. Liðið er nú með verstu agaskrá allra liða í ensku úrvalsdeildinni.