Okocha að hætta með Nígeríu

Miðjumaðurinn Jay-Jay Okocha hjá Bolton hefur gefið það út að hann muni líklega hætta að spila með landsliði Nígeríu eftir HM í Þýskalandi næsta sumar, ef liðið kemst þá á mótið. Okocha er 32 ára gamall og getur ekki leikið með liðinu gegn Zimbabwe um helgina vegna nárameiðsla. "Ef við komumst á HM, yrði það mín síðasta keppni. Ég vona svo sannarlega að við komumst þangað, því ég vil ekki enda feril minn með landsliðinu á því að komast ekki á HM," sagði Okocha, sem hefur ekki leikið vináttulandsleiki með þjóð sinni á undanförnum misserum.