Pamarot klár í slaginn með Spurs

Franski bakvörðurinn Noe Pamarot er nú farinn að æfa á fullu með liði Tottenham Hotspurs, eftir að hafa verið meiddur á hné síðan í apríl í vor. "Ég er búinn að vera lengi frá og því var það sérstaklega ánægjulegt að ná að fara í gegn um heila æfingu," sagði Pamarot. "Þetta eru mjög erfið meiðsli og maður getur ósköp lítið gert annað en að sitja og bíða. Ég vona að ég geti snúið aftur í aðalliðið í endaðan mánuðinn eða í byrjun nóvember, en þangað til mun ég líklega spila með varaliðinu," sagði Pamarot, en hans bíður mjög erfitt verkefni að reyna að komast í byrjunarlið Tottenham, sem er mjög vel sett þegar kemur að hægri bakvörðum.