Finnan ekki ákærður

Varnarmaðurinn Steve Finnan verður ekki ákærður fyrir manndráp af gáleysi eftir að mál hans hefur verið tekið fyrir af saksóknara. Finnan lenti í árekstri við áttræðan mann í janúar á þessu ári, með þeim afleiðingum að maðurinn lést á sjúkrahúsi skömmu síðar. Finnan var handtekinn þremur mánuðum síðar vegna gruns um glæfraakstur, en nú hefur verið staðfest að hann muni ekki hljóta refsingu í málinu þar eð ekki þykir sannað að glannaskapur hafi valdið óhappinu.