Sögulegur sigur Úrugvæ

Úrúgvæ vann frækinn sigur á Argentínumönnum í undankeppni HM í gærkvöld, 1-0 með marki frá Alvaro Recoba og tryggði sig í umspil gegn Áströlum um laust sæti á HM í Þýskalandi á næsta ári. Úrúgvæ hafði ekki unnið sigur á Argentínumönnum í háa herrans tíð og því var stemmingin á vellinum ólýsanleg eftir að flautað var til leiksloka og ljóst að heimamenn væru á leið í umspilið. Þar mæta þeir Áströlum, sem þeir sigruðu einmitt í umspili um laust sæti á HM árið 2002.