Gæsluvarðhald framlengt

Framlengt hefur verið til 25. nóvember gæsluvarðhald yfir pilti sem játað hefur að hafa stungið annan á menningarnótt í Reykjavík í ágúst. Hörður Jóhannesson, yfir­lög­reglu­þjónn í Reykjavík, segir mál­ið standa þannig að pilturinn sé grunaður um að hafa stungið tvo um nóttina og að rannsókn haldi áfram. Í skjölum sem lögð voru fyrir Hæstarétt vegna fyrri gæslu­varðhaldsúrskurðar kemur fram að pilturinn vilji ekki kannast við að hafa stungið nema einn og neiti því að auki að hafa lagt til hans tvisvar. Þess í stað segir hann ­hníf­inn hljóta að hafa skrikað til.