Ryskingar í Reykjanesbæ

Ungur maður sem brá sér út á lífið í Keflavík aðfaranótt sunnudags virðist hafa farið út að skemmta sér á öðrum forsendum en menn eiga að venjast. Þannig fékk lögregla tilkynningu um það að maðurinn hefði slegið annan á skemmtistað í bænum með þeim afleiðingum að sauma þurfti nokkur spor í höfuð fórnarlambsins. Þegar lögreglan fór að grennslast fyrir um eftir unga árásarmanninum á öðrum skemmtistað stuttu síðar var maðurinn í þann mund að ráðast á annan mann þar en lögregla náði að koma í veg fyrir að sá hlyti sömu örlög og vistaði árásarmanninn ákafa í fangageymslum. Lögregla hafði þó ekki þar með lokið afskiptum sínum af bæjarbúum því stuttu síðar varð á vegi lögreglu ölvaður maður á gangi um götur bæjarins. Sá var alblóðugur á höfði og flutti lögregla hann því á sjúkrahús til aðhlynningar. Mun ástæða áverka þess manns ekki vera að leita hjá þeim sem stuttu áður var fluttur í fangaklefa eftir barsmíðar sínar, heldur var um að kenna óstöðugum fótum, en maðurinn hafði dottið á steinsteypta gangstétt.