Liðin sváfu á verðinum

Bob Bell, tæknistjóri Renault í Formúlu 1, segir að gömlu toppliðin Ferrari og McLaren hafi sofnað á verðinum á afstöðnu tímabili og vill meina að þau hafi ekki tekið Renault-liðið alvarlega í toppbaráttunni. "Við getum endurtekið leikinn aftur á næsta tímabili og ætlum ekki að falla í sömu gryfju og hin liðin. Það er enginn hroki í okkar liði og enginn tekur neinu sem sjálfssögðum hlut. Ég held að Ferrari og McLaren hafi vanmetið okkur frá byrjun og við munum ekki láta neitt slíkt henda okkur," sagði Bell.