Kaupa þrjár Airbus-vélar

Avion Aircraft Trading, dótturfyrirtæki Avion Group, hefur keypt þrjár Airbus-farþegavélar sem breytt verður í fraktvélar. Kaupin og breytingarnar eru hluti af endurnýjun flugflota Avion Group. Um er að ræða vélar af gerðinni Airbus 300-600 farþegavélar af China Airlines í Taiwan fyrir 2,6 milljarða króna. Jafnframt var samið við dótturfyrirtæki Airbus, EFW, um breytingu á farþegavélunum í fraktvélar. Vélarnar fást afhentar fullkláraðar á næsta ári og byrjun árs 2007 en heildarkostnaður eftir breytingar er því 4,3 milljarðar króna.