Cudicini vill framlengja

Ítalski markvörðurinn Carlo Cudicini segist vilja framlengja samning sinn við Chelsea til ársins 2009, jafnvel þó hann hafi vermt varamannabekk liðsins allt frá því Petr Cech kom til Chelsea á sínum tíma. "Ég er með samning til ársins 2008, en ég vil framlengja um eitt ár af því mér líður vel hjá félaginu. Ég væri að ljúga ef ég segðist vera sáttur að vera alltaf á varamannabekknum, en af hverju að fara frá félaginu ef maður er ánægður," sagði Cudicini, sem er án efa einhver besti varamarkvörður heimsins í dag og kæmist eflaust í byrjunarlið flestra liða á Englandi.