Lenti undir bíl í Hveragerði

Heldur fór illa fyrir konu í Hveragerði í gær þegar hún steig út úr bíl sínum. Svo virðist sem hún hafi gleymt að setja bílinn í gír eða handbremsu og því fór bíllinn að renna. Konan reyndi þá að stöðva hann en það vildi ekki betur til en svo að hún lenti undir bílnum og rann hann að hluta til yfir hana. Að sögn lögreglu slapp konan þó mjög vel en hún kenndi sér meins í annarri öxlinni og var flutt með sjúkrabíl á Landspítalann Í Reykjavík til aðhlynningar. Meiðsli hennar reyndust minni háttar.