Toppbaráttan hefur opnast aftur

Arsene Wenger, stjóri Arsenal, segir að baráttan um enska meistaratitilinn hafi opnast aftur eftir að Chelsea tapaði fyrir Manchester United á dögunum, en Chelsea hefur unnið einn af síðustu fimm leikjum sínum í öllum keppnum.

"Það er gott fyrir deildina að bilið skuli hafa mjókkað örlítið. Þar með er ég ekki að segja að Chelsea sé ekki með gott forskot, en tap þeirra um daginn veitir okkur hinum dálitla von," sagði Wenger, en lið hans á erfiðan leik fyrir höndum um helgina þegar það sækir spútniklið Wigan heim.