Flestir skiluðu auðu

Hið fyrsta af þremur samræmdum stúdentsprófum var lagt fyrir nemendur í framhaldsskólum landsins í morgun en undirtektir nemenda voru dræmar. Tveir af hverjum þremur nemendum sem tóku prófið í Fjölbrautaskóla Suðurlands á Selfossi skiluðu auðum prófblöðum.

Eins og greint hefur verið frá ríkti mikil óánægja meðal framhaldsskólanema með þessi samræmdu próf sem þeir segja vanhugsuð og meingölluð í framkvæmd. Á morgun og föstudag verður prófað í ensku og stærðfræði.