Juventus í 10 stiga forystu

Juventus náði í dag 10 stiga forystu á toppi ítölsku A-deildarinnar í fótbolta þegar liðið valtaði yfir Cagliari, 4-0. David Trezeguet skoraði tvö mörk fyrir Juve og Pavel Nedved eitt en fjórða markið var sjálfsmark. 7 leikjum er lokið í Serie A í dag.

Fiorentina er í 2. sæti eftir 1-0 sigur á Trevisio í gærkvöldi með 32 stig en AC Milan sem er með 31 stig getur endurheimt 2. sætið þegar liðið mætir Inter Milan í nágrannaslag í kvöld. Úrslit dagsins á Ítalíu urðu eftirfarandi:

Roma-Palermo 1 - 2

Ascoli Reggina 1 - 1

Juventus-Cagliari 4 - 0

Livorno-Lazio 2 - 1

Messina-Chievo 2 - 0

Parma-Sampdoria 1 - 1

Udinese-Lecce 1 - 2