Tví-Bent á The Valley í janúar?

Forráðamenn Charlton eru sagðir vera að undirbúa tilboð í sóknarmanninn Marcus Bent hjá Everton í janúar, en fyrir í framlínu Charlton er hinn ungi Darren Bent, sem vann sér sæti í enska landsliðshópnum í haust með góðri byrjun á tímabilinu. Framherjarnir tveir eru ekki skildir þó þeir beri sama eftirnafn.

Marcus Bent hefur ekki náð að festa sig í sessi hjá Everton síðan James Beattie gekk í raðir liðsins, en talið er að Everton muni kaupa annan framherja í janúar og þar er hinn ungi David Nugent hjá Preston oftast nefndur til sögunnar.