Tungumálaerfiðleikar helsta ástæða skiptanna

Rafael Benitez, stjóri Liverpool, hefur viðurkennt að helsta ástæða þess að hann ákvað að skipta varnarmanninum Josemi til Villareal á Spáni hafi verið tungumálaerfiðleikar leikmannsins, en því var einmitt svo farið líka með manninn sem kemur í skiptum fyrir hann ef samningar nást, Hollendinginn Jan Kromkamp.

"Það er alltaf erfitt fyrir knattspyrnumenn að aðlagast nýjum aðstæðum og læra nýtt tungumál. Josemi reyndi alltaf að tala bara við hina spænskumælandi leikmenn liðsins, en tungumálaerfiðleikarnir settus strikið í reikninginn fyrir hann. Mér skilst að svo hafi einnig verið með Kromkamp og því væri óskandi að þeir næðu báðir að komast að samkomulagi um þá lausu enda sem enn eru varðandi skiptin," sagði Benitez.