Earnshaw fær ekki að fara

Framherjinn Robert Earnshaw hefur nú í annað sinn verið neitað um að fá að fara frá félaginu og hefur Bryan Robson knattspyrnustjóri harðneitað að leyfa leikmanninum að fara á sölulista í janúar.

"Ég vil taka af allan vafa í þessu máli og taka það fram að Robert Earnshaw er ekki að fara frá félaginu. Mér hefur borist beiðni frá honum um að fá að fara, en ég neitaði, því ég er að missa tvo leikmenn í Afríkukeppnina og því hef ég sagt Earnie að hann verði bara að gjöra svo vel og berjast fyrir sæti sínu í liðinu í framtíðinni," sagði Robson.