Nálgunarbann í sex mánuði

Hæstiréttur staðfesti í gær sex mánaða nálgunarbann sem maður var dæmdur í gagnvart barnsmóður sinni og sambýlismanni hennar, í héraðsdómi þann 21. ágúst síðastliðinn.

Maðurinn hafði nýlokið við þriggja mánaða nálgunarbann, sem hann hafði verið dæmdur í áður, þegar hann kom að heimili barnsmóður sinnar, þar sem hún býr ásamt manni sínum og syni ákærða, með barefli. Þar lét maðurinn öllum illum látum og barði húsið að utan og hafði uppi hótanir.

Hinn dæmdi skýrði hegðun sína á þann veg að hann óttast um velferð sonar síns.