Kauphöllin seld á þrjá milljarða

Skrifað hefur verið undir viljayfirlýsingu um kaup OMX kauphallanna á Eignarhaldsfélaginu Verðbréfaþingi hf. sem á Kauphöll Íslands. Verðið nemur rúmum þremur milljörðum króna.

Ganga á frá kaupunum í næsta mánuði og samkeyra kauphallirnar frá áramótum. Við sameininguna breytast aðstæður fyrirtækja sem hér eru skráð á markað, þau verða sýnilegri og líklegt að erlend fjárfesting aukist. Þá má búast við að erlendar greiningardeildir taki að sýna íslenskum fyrirtækjum áhuga og fjalli um þau með reglulegum hætti.