Rússar vilja fá svör hið fyrsta

Júrí Balujevskí herforingi, æðsti yfirmaður herafla Rússlands, krefst svara við því hvort Rússland verði með í evrópska eldflaugavarnakerfinu, sem Nató hyggst koma á fót á næstu árum, eða hvort Rússland muni standa utan þeirra varna.

„Það er nauðsynlegt að taka ákvörðun: Hvað næst?“ sagði Balujevskí í gær eftir að hann hafði átt fund í Moskvu með kanadíska herforingjanum Ray Henault, sem er formaður hermálanefndar Nató.

Fundurinn var haldinn þegar sameiginleg heræfing Rússlands og Nató var að hefjast í gær. Á æfingunni var verið að æfa viðbrögð við flugskeytaárás.