Bætir mögulega við einum leikmanni til viðbótar

Alex Ferguson, stjóri Manchester United, hefur ekki útilokað þann möguleika á að bæta þriðja leikmanninum við hóp sinn í leikmannaglugganum nú í janúar. Ferguson hefur þegar eytt um 12 milljónum punda í varnarmennina Patrice Evra og Nemanja Vidic og var fastlega búist við því að ekki yrðu fleiri keyptir til félagsins nú í janúar. Það er þó vitað að United eru á höttunum eftir miðvallarleikmanni til þess að fylla skarð Roy Keane og Ferguson hefur gefið þeim sögusögnum byr undir báða vængi. ,,Það er möguleiki að við náum í einn í viðbót. Ég er mjög ánægður með kaupin á Patrice og Nemanja. Þeir eru frábærir leikmenn og styrkja okkar hóp mikið. Kannski verður einn keyptur í viðbót, það er þó ekki alveg öruggt" sagði Ferguson.