Wigan marði Leeds

Úrvalsdeildarlið Wigan marði sigur á 1. deildarliði Leeds í enska bikarnum í æsilegum leik á Sýn í kvöld, þar sem úrslitin réðust ekki fyrr en eftir framlengingu og vítakeppni. Gylfi Einarsson kom inná sem varamaður undir lok leiksins í liði Leeds, en staðan var jöfn 3-3 eftir framlengingu og þar vann Wigan 4-2.

Íslendingalið Reading vann frækinn sigur á úrvalsdeildarliði West Brom 3-2, eftir að hafa lent undir 2-0 í leiknum. Birmingham lagði Torquay 2-0, Middlesbrough burstaði utandeildarliðið Nuneaton 5-2, Walsall lagði Barnsley 2-0, Cheltenham lagði Chester 1-0 og Stoke City marði utandeildarliðið Tamworth í vítakeppni eftir að liðin skildu jöfn 1-1 eftir vengjulegan leiktíma.