Verður að spila meira

Bakvörðurinn Wayne Bridge, sem hefur verið á mála hjá Chelsea undanfarið, hvefur verið lánaður til Lundúnafélagsins Fulham. Mun hann spila á Craven Cottage út þessa leiktíð. Fer hann beint inn í lið Fulham sem mætir West Ham á mánudaginn. Aðspurður sagði Birdge að hann væri mjög spenntur yfir flutningnum. ,,Ég er mjög ánægður með að vera kominn til Fulham. Næstu mánuðir eru gríðarlega mikilvægir fyrir mig og nauðsynlegt að ég sé að spila reglulega þar sem ég vona að komast í lokahópinn fyrir heimsmeistaramótið í sumar. Fulham er góður klúbbur með frábæran þjálfara og ég hlakka mikið til að spila fyrir liðið."