Innbrot reynt í félagsmiðstöð

Tilraun var gerð til að brjótast inn í félagsmiðstöðina í Þorlákshöfn síðustu nótt. Vaktmaður öryggisgæslufyrirtækis tók eftir að einhver hafði reynt að spenna upp hurð á félagsmiðstöðinni en mistekist og er ekki að sjá að hann hafi komist inn. Ekki er vitað hvort sami einstaklingur hafi verið á ferð og braust inn í Sæunni Sæmundsdóttur ÁR aðfaranótt laugardags.

Glutti á stýrishúsi Sæunnar var spenntur upp þar sem hún lá við flotbryggju á Norðurvararbryggju í Þorlákshöfn. Þjófurinn hvarf á braut með GSP tæki, radar, talstöð og fleiri tæki.