Richardson ver titil sinn

Quentin Richardson, leikmaður New York Knicks, mun verja titil sinn í þriggja stiga skotkeppninni um stjörnuhelgina í Houston þann 18. febrúar næstkomandi. Richardson vann keppnina sem leikmaður Phoenix í fyrra.

Andstæðingar Richardson í ár verða þeir Dirk Nowitzki og Jason Terry frá Dallas, Raja Bell frá Phoenix, Chauncey Billups frá Detroit og sigurvegarinn í keppninni árið 2001, Ray Allen frá Seattle Supersonics.

Þá var fyrir stuttu tilkynnt hverjir tækju þátt í troðkeppninni í ár, en þar á Josh Smith frá Atlanta titil að verja. Auk hans taka þátt þeir Nate Robinson hjá New York, Hakim Warrick hjá Memphis og Andre Iguodala frá Philadelphia.