Rose og Wilson í forystu

Breski kylfingurinn Justin Rose og Bandaríkjamaðurinn Dean Wilson eru efstir og jafnir á sjö höggum undir pari eftir fyrsta hringinn á Nissan Open mótinu í golfi sem fer fram á Riviera Country Club vellinum í Kaliforníu. Sýnt verður frá mótinu á Sýn um helgina.

Fimm af stigahæstu kylfingum heims keppa á mótinu í Kaliforníu um helgina, en þar á meðal er Tiger Woods sem reyndar er með flensu og er nokkuð frá sínu besta í upphafi móts. Þeir Rose og Wilson eru á 64 höggum eftir fyrsta hringinn, en Woods er að leika á tveimur höggum undir pari vallarins.