Federer mætir Nadal í úrslitum

Það verða tveir stigahæstu tennisleikarar heims í karlaflokki sem mætast í úrslitaleik Opna Dubai mótsins um helgina. Rafael Nadal vann sér sæti í úrslitum eftir sigur á Þjóðverjanum Rainer Schuettler 6-4 og 6-2, en Federer lagði Rússann Mikhail Youzhny 6-2 og 6-3 án þess að sýna nein glæsitilþrif.

Þeir félagar hafa ekki mæst síðan í undanúrslitunum á Opna franska meistaramótinu í fyrra, en þá hafði Spánverjinn ungi betur og vann síðar sigur á mótinu.

Í kvennaflokki mætast þær Amelie Mauresmo og Nadia Petrova í úrslitaleik.