Góð endurkoma Markúsar Mána

Markús Máni Michaelsson átti vel heppnaða endurkomu með liði sínu Dusseldorf í þýsku úrvalsdeildinni í dag þegar liðið lagði Snorra Stein Guðjónsson og félaga í Minden 35-27. Markús hefur verið frá keppni í nokkra mánuði vegna meiðsla. Snorri Steinn skoraði 4 mörk fyrir Minden og Markús skoraði 3 fyrir Dusseldorf.

Magdeburg tapaði fyrir Kronau Östringen 33-32. Sigfús Sigurðsson komst ekki á blað í markaskorun hjá Magdeburg og Arnór Atlason er enn frá vegna meiðsla.