Keflavík og KR leiða í hálfleik

Nú er hálfleikur í leikjunum tveimur sem fram fara í úrslitakeppninni í körfubolta karla í dag og eru það gestaliðin sem leiða í báðum tilfellum. KR er sex stigum yfir gegn Snæfelli í Stykkishólmi, 33-39 og hafa heimamenn saxað nokkuð á forskot gestanna. KR náði 12 stiga forskoti skömmu fyrir háfleik, 32-20 en heimamenn náðu að bíta frá sér og minnka muninn.

Í Grafarvogi eru það Keflvíkingar sem leiða gegn Fjölni með tveimur stigum, 43-45. Fjölnismenn hafa heldur betur rétt úr kútnum eftir að hafa verið 10 stigum undir þegar lítið var eftir af fyrri hálfleik.

Keflavík og Snæfell geta með sigri í sínum leikjum í dag tryggt sig áfram í undanúrslit en að öðru leiti þarf oddaleiki til eftir helgi.

AJ Moye er stigahæstur hjá Keflavík með 18 stig en hjá Fjölni er Grady Reynolds atkvæðamestur með 13 stig.