Keflvíkingar lögðu Skallagrím

Keflvíkingar lögðu Borgnesinga í dag í fyrsta leik liðanna í undanúrslitum Iceland Express deildar karla í körfuknattleik 97-82. Keflavík hefur því náð 1-0 forystu í einvíginu og næsti leikur fer fram í Borgarnesi.

Bandaríkjamaðurinn AJ Moye var mjög atkvæðamikill í liði Keflvíkinga eins og venjulega og skoraði 26 stig og hirti 11 fráköst, Magnús Gunnarsson skoraði 18 stig og Jón N. Hafsteinsson skoraði 15 stig. Hjá Skallagrími var George Byrd atkvæðamestur með 31 stig og 13 fráköst,  Jovan Zdravevski skoraði 17 stig og hirti 9 fráköst og Pálmi Sævarsson skoraði 11 stig.