Rue de Net og Skýrr í samstarf

Rue de Net ehf. og Skýrr hf. hafa undirritað samning um almennt samstarf og sölu lausna hvor annars hvað snertir viðskiptalausnir og þróunarumhverfi Microsoft. Fyrirtækin hyggjast taka sameiginlega þátt í verkefnum og útboðum þar sem styrkleikar beggja nýtast.

Alfred B. Þórðarsson, framkvæmdastjóri Rue de Net, segir: "Skýrr er stórt og öflugt fyrirtæki á sviði upplýsingatækni og ætlar sér stóra hluti á markaði fyrir Microsoft-viðskiptalausnir. Skýrr hefur nú þegar innanborðs stóran hóp metnaðarfullra Microsoft-sérfræðinga. Náið samstarf við fyrirtæki af þessari stærðargráðu gefur okkur aukin sóknarfæri með vörur okkar og færir ákveðinn stöðugleika í starfsemina."