Ægisborg 25 ára í dag

Leikskólinn Ægisborg heldur uppá 25 ára afmælið sitt í dag 9. júní.Í tilefni dagsins verður efnt til hátíðar í skólanum sem hefst kl.15:00 og stendur til kl.17:00. Börnin verða með skemmtiatriði, elstu börnin útskrifast, harmonikkuleikari spilar fyrir gesti og gangandi og sýnt verður atriði úr „Hafinu Bláa" eftir Kikku og Þorvald Bjarna. Auk þess hefur verið sett upp sýning á verkum barnanna. Boðið verður upp á grillaðar pylsur og afmælisköku.

Ægisborg leggur ríka áherslu á tónlist og er hún rauður þráður í öllu starfi leikskólans. Einnig er lögð áhersla á könnunarleikinn hjá yngsta hópnum og könnunaraðferðina hjá þeim eldri.

Börnum og starsfólki á Ægisborg þætti vænt um að sjá sem flesta á afmælishátíðinni í dag.