Viðskiptahalli 161 milljarður á síðasta ári

Viðskiptahalli síðasta árs reyndist 161 milljarður króna samkvæmt nýjum bráðabrigðatölum frá Hagstofu Íslands. Þar kemur fram að landsframleiðsla á árinu 2005 hafi verið 1.012 milljarðar og aukist um 7,5 prósent að raungildi frá fyrra ári. Hagvöxtur síðasta árs var því 7,5 prósent en hann nam 7,7 prósentum á árinu 2004. Þjóðartekjur jukust meira en landsframleiðsla eða um 8,6 prósent, meðal annars vegna betri viðskiptakjara. Vöxtur landsframleiðslu einkenndist af mikilli fjárfestingu, sem jókst um liðlega þriðjung og einkaneyslu, sem óx um rúm tólf prósent. Þjóðarútgjöldin jukust því langt umfram landsframleiðsluna eða um 15,8 prósent og það leiddi til 161 milljarðs króna viðskiptahalla árið 2005.