Markarfljót breytir farvegi sínum

Markarfljót hefur breytt um farveg við Þórólfsfell og rennur nú yfir veginn við rætur fellsins, þannig að ófært er úr Fljótshlíð um Emstruleið inn á Fjallabaksleið syðri. Þessar breytingar komu mönnum í opna skjöldu og voru tveir Spánverjar hætt komnir þegar þeir misstu bílinn út í vatnselginn. Fyrir snarræði komust þeir út úr bílnum og gengu til byggða, en bíllinn kútveltist niður eftir fljótinu og var á kafi þegar björgunarmenn komu að. Farangur ferðamannanna skemmdist eða týndist og bíllinn er gjörónýtur